بدأت اشك ان بيحطلي حاجه في الشاي
- مسا الخير يا بنات! إيه المفاجأة الحلوة دي.. سارة عندنا؟ منورة البيت يا سارة والله! سارة ردت بابتسامة باهتة وحاولت تتدارك موقفها:
- بنورك يا مينا.. مريم كانت تعبانة شوية فقلت أجي أبات معاها. مينا بصلي بعيون فيها لمعة غريبة:
- سلامتك يا مريم يا حبيبتي.. أخص عليكي، طالما تعبانة ما قلتليش ليه؟ ده أنا جايبلك معايا دوا جديد للشاي هيخليكي ترتاحي تماماً.
قلبي كان بيدق زي الطبلة.
دخل المطبخ عشان يعمل الشاي. وقفت من بعيد أراقبه من عكس إزاز النيش.
شفته بيمد إيده في جيبه، وبيطلع قطارة صغيرة، وحط خمس نقط في الكوباية بتاعتي، وبعدين حط نقطتين في الكوباية بتاعة سارة!
طلع من المطبخ وهو ماسك الصينية:
- اتفضلوا يا بنات.. شاي بالنعناع يظبط الدماغ وينيمكم نوم العافية.
أنا وسارة مسكنا الكوبايات. سارة كانت إيدها بترتعش، فغمزت لها بعيني عشان تهدى.
عملنا نفسنا بنشرب، ولما مينا دخل الحمام يتوضى، دلقت الكوبايتين في فازة الورد الكبيرة اللي جنب الكنبة.
الساعة جت 1:30 بالليل.
عملنا نفسنا نمنا تماماً. سارة كانت نايمة على الكنبة في الصالة، وأنا نمت في أوضة النوم.
على الساعة 2:10 بالليل…
سمعت صوت تقطير بالراحه. الباب بيتفتح.
غمضت عيني ونص فتحة.
مينا دخل… لابس الجوانتي البلاستيك… ومسك الشنطة السودة.
بس المرة دي، ما جاش ناحيتي الأول.
طلع من الشنطة السرنجة الجديدة، ومشي بالراحة ناحية الصالة… ناحية سارة!
جسمي اتصلب. أختي! المجرم رايح لأختي!
قمت من على السرير زي السهم من غير ما أعمل أي صوت.
سمعته في الصالة بيمسك دراع سارة وبيقول بصوت واطي:
“يا خسارة العيون الخضرا دي يا سارة.. بس عمليتك هتكسبنا ملايين..”
في اللحظة اللي رفيع فيها السرنجة عشان يغرسها في دراع سارة، سارة فتحت عينها وصرخت بكل قوتها!
مينا اتخض ورجع لورا، وفي نفس اللحظة أنا جيت من وراه وضربته بآزة الورد الفخار على دماغه بكل قوتي!
الآزة اتكسرت على دماغه، مينا اترمي على الأرض وهو بيصرخ ودمه نازل على وشة:
- إيه ده؟! أنتِ صاحية؟! سارة!! في إيه؟! قلت له وأنا بعيط وبصرخ في وشه:
- أنا عارفة كل حاجة يا مينا! عارفة الكاميرا والأجندة والدم والشبكة الوسخة اللي شغال معاها! أنت مش بني أدم.. أنت شيطان!
مينا وشه اتغير.. الابتسامة الحنينة اختفت تماماً وظهر مكانها وش وحش مجنون. قفز من على الأرض، ومسكني من رقبتي وضغط بقوة:
