عمر قفل المكالمه
في نفس اللحظة اللي قفل فيها عمر المكالمة كان اتحرك من غير ما يسأل أي سؤال تاني. فتح جروب العيلة وبعت رسالة من كلمتين بس “اجتمعوا فورًا”. خلال ثواني كانت الردود جاية من إخواته الأربعة وكلهم فهموا إن منى عمرها ما كانت هتطلب مساعدتهم إلا لو وصلت لآخرها.
في المخزن كانت ملك بتفتح عينيها بالعافية وهي بتهمس “ماما… أنا تعبانة.”
منى حضنتها بقوة ومسحت الدم من على وشها وهي بتحاول تمنع نفسها من الانهيار.
قالت لها “استحملي يا قلب ماما… والله محدش هيقدر يلمسك تاني.”
في نفس الوقت فوق كانت نادين قاعدة بتضحك وهي بتشرب العصير وكأن اللي حصل تحت ده مش جري*مة.
قالت لحسام “لازم تكسر شخصيتها خالص وإلا هتفضل واقفة في وشنا.”
هز حسام راسه وقال “بعد اللي حصل النهارده هتعرف مكانها كويس.”
فجأة رن تليفونه.
بص للاسم واستغرب.
كان مدير البنك.
رد بثقة “خير.”
لكن وشه اتغير في ثواني.
“إيه يعني الحسابات اتجمدت؟! إزاي ومن إمتى؟”
المدير قال بارتباك “وصلنا قرار من الجهات المختصة بوقف كل التعاملات المالية الخاصة بشركاتك بشكل مؤقت لحين مراجعة بعض المستندات.”
قفل حسام المكالمة وهو متعصب.
قبل ما يستوعب اللي بيحصل رن تليفونه مرة تانية.
المرة دي مدير شركته.
“يا فندم في لجنة دخلت الشركة وبتراجع كل العقود والموظفين بيقولوا في مستثمر كبير سحب شراكته بالكامل.”
صرخ حسام “مين المستثمر ده؟”
رد الراجل “مش عارفين… لكن كل الورق جاي باسم مجموعة المنشاوي.”
أول ما سمع الاسم اتجمد مكانه.
كرر الكلمة بصوت واطي “المنشاوي؟”
نادين قربت منه وقالت “مالك؟”
قال وهو بيحاول يفهم “معرفش… أول مرة أسمع الاسم ده.”
في اللحظة دي جرس الفيلا رن بطريقة متواصلة.
الحارس جري يفتح الباب لكنه رجع بعد ثواني ووشه كله خوف.
“يا فندم… برا في خمس عربيات سودا.”
حسام اتضايق وقال “يعني إيه؟”
رد الحارس وهو بيبلع ريقه.
“واللي نزل منها خمسة رجالة… بيقولوا إنهم إخوات الست منى.”
حسام ضحك باستهزاء.
“إخواتها؟ دي يتيمة وملهاش حد.”
لكن قبل ما يخلص كلامه دخل عمر بخطوات ثابتة ومن وراه أربعة رجالة ملامحهم كلها هيبة.
وقف قدام حسام وقال بهدوء مرعب.
“مين قالك إنها ملهاش ضهر؟”
وساعتها نزلت نادين درجة لورا أول ما شافت الراجل اللي كانت تعرفه كويس… لأنها كانت عارفة إن ظهوره في البيت ده معناه إن الكارثة الحقيقية لسه ما بدأتش.
