جوزي جاله جلطه

مرت ساعة.
وبعدين ساعتين.
كل دقيقة كانت تقيلة.
الحاجة سعاد قاعدة بتقرأ قرآن وتعيط.
محمود ساكت.
سلمى قاعدة بعيد.
وأنا فاتحة موبايلي.
مش بتفرج على صور أحمد.
كنت ببعت رسالة للمحامي.
ابدأ الإجراءات.
بعد حوالي 3 ساعات، الدكتور خرج.
وقفنا كلنا.
قال
الحمد لله، التدخل تم والحالة استقرت مبدئيًا، لكن ال ساعة الجايين مهمين جدًا.
الحاجة سعاد انهارت وهي بتحمد ربنا.
سلمى عيطت.
أما أنا، فتنفست بهدوء.
وبعدين خدت شنطتي.
كنت همشي.
لكن سلمى نادتني
منى.
لفيت.
قالت
إنتِ رايحة فين؟
البيت.
قالت باستغراب
وأحمد؟
بصيت ناحية باب العناية.
أحمد عنده أمه.
وبعدين بصيت لها.
وعنده مراته.
الحاجة سعاد قامت.
وإنتِ إيه؟!
بصيتلها.
أنا؟
طلعت موبايلي ووريتها الرسالة اللي بعتها للمحامي.
وقلت
أنا الست اللي بدأت إجراءات طلاقها من خمس دقايق.
وشها اتغير.
إنتِ هتطلبي الطلاق دلوقتي؟!
أيوه.
وهو بالحالة دي؟!
قلت
أنا خدت القرار قبل الجلطة.
الجلطة بس أخرتني كام ساعة.
ولفيت عشان أمشي.
لكن قبل ما أوصل للباب، سمعت سلمى بتقول للحاجة سعاد
طنط… هو أحمد أخد من منى فلوس؟
رجلي وقفت.
الحاجة سعاد سكتت.
لفيت ببطء.
سلمى كانت باصة لي.
وقالت
عشان أحمد أخد مني أنا كمان مبلغ كبير.
رجعت خطوتين.
قد إيه؟
قالت الرقم.
بصيت لها.
المبلغ كان ضخم.
سألتها
قالك ليه؟
مشروع استثماري.
حسيت بحاجة باردة بتمشي في ضهري.
قلت
وأنا قاللي نفس الكلام.
الحاجة سعاد بدأت تتحرك بتوتر.
خلاص بقى، أحمد لسه خارج من عملية، الكلام ده يتأجل.
لكن سلمى بصت لها فجأة.
طنط…
نعم؟
الشقة الجديدة اللي أحمد اشتراهالك من شهرين…
وش الحاجة سعاد شحب.
سلمى كملت
هو قاللي إنه دفع مقدمها من أرباح المشروع.
بصيت لحماتي.
هي ما بصتش في عيني.
وفي اللحظة دي…
فهمت.
الموضوع مكانش مجرد جوازة مستخبية.
ولا مجرد راجل بيكدب على زوجتين.
كان فيه فلوس اختفت من ناحيتي…
وفلوس اختفت من ناحية سلمى…
وفي النص ظهرت شقة جديدة باسم أمه.
قربت من الحاجة سعاد.
وقلت
الشقة اتدفعت منين يا ماما؟
رفعت عينيها ليا.
ولأول مرة من ساعة ما وصلت المستشفى…
الحاجة سعاد كانت خايفة مني بجد.
الجزء الثالث والأخير
الحاجة سعاد بصتلي، وبعدها بصت لسلمى، ووشها اتغير تمامًا.
شقة إيه وفلوس إيه؟ إنتوا جايين تحاسبوني وابني لسه خارج من عملية؟!
قلت بهدوء
محدش بيحاسبك دلوقتي.
قربت منها خطوة.
أنا بس سألت سؤال بسيط… الشقة اتدفعت منين؟
أحمد هو اللي جابهالي.
عارفة. بس أحمد قالك الفلوس دي جت منين؟
اتلخبطت.
قالي مكافأة من الشركة.
سلمى ردت بسرعة
وأنا قالي إنها أرباح المشروع.
قلت
وأنا قالي إن فلوسي اتحطت في مشروع ولسه مستنيين أرباحه.
محمود، أخو أحمد، كان واقف بيسمعنا من بعيد.
قرب وقال
استنوا… إنتوا بتقولوا إن أحمد أخد فلوس منكم إنتوا الاتنين؟
بصيتله.
أيوه.
سلمى هزت راسها.
وأنا حولتله مبلغ كبير على دفعتين.
محمود بص لأمه.
والشقة اتجابت إمتى؟
الحاجة سعاد اتعصبت
وإنت مالك يا محمود؟!
بسأل يا أمي.
سكتت.
قلت
من شهرين.
طلعت موبايلي وفتحت صور التحويلات اللي كنت محتفظة بيها.
وأنا حولت