هنا كانت واقفه في المطبخ

بابه فتح لها وهو مستغرب قالت له امسك دي شكلها هتهديك هو اتفاجئ وبص لها وقال لها شكرا قالت له على فكرة انا سمعتك غصب عني بس لو محتاج حاجة قول قال لها لا شكرا انا كويس وقفل الباب هنا حست انها اتحرجت تاني يوم الصبح لقيت قدام باب شقتهم طبق فيه كيك مكتوب عليه ورقة شكرا على الشاي كان حلو اوي ايمان قالت لها ايه ده يا هنا مين اللي جايب الكيكة دي هنا وشها احمر وقالت لها ده الجار ايمان غمزت لها وقالت لها جار ولا دكتور هنا قالت لها يا ماما بس عبده ابوها جه من الشغل وقال ايه ريحة الكيكة الحلوة دي مين اللي عاملها هبه قالت له الدكتور جارنا يا بابا شكله عينه على هنا هنا صرخت وقالت يا هبه بس بقى وكلهم ضحكوا في الكلية الدكتور صابر كان بيشرح وبطريقة غريبة كان بيحاول يبسط المعلومة وبيبص لهنا كتير كأنه عايز يتأكد انها فهمت وهي كانت مركزة معاه وحاسة انه مش رخم زي ما كانت فاكرة بعد المحاضرة قال لها هنا استني قالت له نعم قال لها شكرا على امبارح انا فعلا كنت محتاج الشاي ده كنت مضغوط اوي اليوم ده امي تعبانة وانا لوحدي هنا ومش عارف اعمل اي حاجة هنا قالت له الف سلامة عليها مالها قال لها عندها القلب وانا خايف عليها اوي هنا حست انها اول مرة تشوفه بني ادم عادي عنده مشاكل زينا قالت له لو احتاجت اي حاجة ماما ايمان موجودة وبتعمل اكل حلو اوي ضحك وقال لها بجد قالت له اه قال لها طيب هبقى اجي اكل عندكم بقى قالت له تنور وضحكوا سوا ومن ساعتها العلاقة بينهم اتغيرت بقى كل يوم الصبح يستناها تنزل معاه الكلية عشان متتأخرش وبقى يوصلها وايمان بقت كل شوية تبعت له طبق اكل مع هنا وهو بقى يقول لها تسلم ايد طنط ايمان الاكل تحفة ومحمود بقى كل شوية يهزر مع هنا ويقول لها ها يا دكتورة اخبار الدكتور ايه وهي تقول له اسكت يا محمود هبه كانت مبسوطة اوي وبتقول لها انا كنت عارفة ان الحكاية فيها ان في يوم هنا كانت تعبانة جدا وسخنة ومش قادرة تنزل الكلية ايمان خبطت على الدكتور صابر وقالت له يا دكتور صابر معلش هنا تعبانة اوي ومش عارفة مالها هو اتخض وجه جري بالبيجامة بتاعته وكشف عليها وقال لها دي سخونية جامدة من البرد لازم ترتاح وتاخد الدوا ده وفضل قاعد جنبها طول اليوم يعمل لها كمادات لحد ما الحرارة نزلت هنا كانت بتبص له وهو قاعد جنبها وشايفة قد ايه هو حنين وطيب عكس ما كانت فاكرة خالص قالت له بصوت واطي انت طيب اوي يا دكتور قال لها انا مش طيب ولا حاجة انا بس مبحبش اشوف حد تعبان قصادي قالت له لا انت طيب من جوة بس عامل فيها شديد ضحك وقال لها وانتي عنيدة اوي بس شاطرة هنا ضحكت وقالت له انا عنيدة قال لها