عيون العشاق

عيون العاشق
قصة حقيقة
تعالو نصلي علي سيدنا محمد صلى الله عليه وسلم
وبدأت الحكايه لما كنت بتصل على رقم …… لكن غلطت في الرقم وكتبت رقم تاني …….
وردت عليا صاحبة أجمل صوت في الدنيا
من جمال صوتها معرفتش ارد و تاسفت وقفلت السكه
لكن صوتها سكن قلبي … وبقيت بسمعه بخيالي دايما ورسمت صورة لصاحبة الصوت … مابقتش الصورة تفارق منامي
فضلت شهر على الحال ده ….. وبتمنى كل ثانيه اني أسمع صوتها تاني
لحد ما قررت في يوم اني اخد خطوه … وكنت مسجل رقمها عندي من وقت ما كلمتها
المهم رنيت عليها… و اول ما فتحت اتفاجئت انها بتقولي انت تاني !!!!
استغربت جدا وقولتلها انت فاكراني !!!
قالتلي ايوه ….. انت رنيت من شهر عليا وكان الرقم غلط
حسيت وقتها ان الدنيا كلها ملكي… حتي اني مركزتش لكلامها …. كنت بسمع بس نفسها وصوتها …. اسمع اللحن اللي بقالي شهر مستنيه
فوقت على صوتها وهي بتقولي طيب سلام دلوقتي و قفلت
المهم شويه و مقدرتش امسك نفسي في رنيت عليها تاني ……
ردت وقالتي معلش بابا كان معايا
سالتها انتي فاكراني ليه !!!!!
اتكسفت وقالتي عادي والله .. انا .انا مش بنسي الأصوات وفاكرة صوتك بس…
فضحكت قلتلها ماشي
سالتها انتي انسه !
وراجعت نفسي بسرعه بصوت عالي و رديت على نفسي وقلت انا غبي ….. اكيد الصوت الملائكي والجميل دا هو صوت انسه
فضحكت وقالت لي والله انت دمك خفيف بجد
رديت وقلت لها و انتي ضحكتك جميله جدا ورقيقه قوي
قالت لي ميرسي ده من ذوقك
قلتلها والله دي حقيقه
المهم الكلام طول شويه و احنا بنهزر وبنضحك كأننا عارفين بعض من كثير قوي
قلتلها انا سعيد جدا اني انا عرفتك يا………
صحيح انتي اسمك ايه !
قالتلي انا اسمي لمياء……
إسمك جميل يا لمياء …..و انا اسمي آسر
قالتلي اسمك اجمل علي فكرة
قولتلها تسمحيلي أسجل رقمك يا لمياء
ضحكت وبصوت رقيق ردت وقالتلي .. إنت لسا هاتسجله
ضحكت وقولتلها خلي بالك من نفسك .. واعملي حسابك اني لازم اسمع صوتك كل يوم
قالتلي ربنا يسهل
كل يوم كنا بنتكلم وكل يوم قلبي يتعلق

بيها اكتر لحد ما جا اليوم اللي قلتلها فيه بحبك وعايز اتقدملك يا لمياء
مكانتش عارفه تقولي ايه و حسيت فيها بالفرحة و اتلخبطت …..
قولتلها اديني رقم والدك … وكتبته ليا …..قولتلها انتي موافقه يا لمياء
وبصوتها الرقيق ردت و قالتلي دا مش سؤال يا آسر
وفعلا كلمت والدها وقلتله إنا عايز اتقدم لبنت حضرتك يا عمي
رد عليا بكل ذوق و قاللي ممكن يا ابني …شوف الميعاد اللي هاتيجي فيه و انا في انتظارك
ودخلت البيت لأول مره ….. وكنت حاسس اني اعرفهم من زمان اوي و الضحكه مرسومه على شفايفي
سألني بالبداية عرفتها ازاي وكلمته بصراحه وماكدبتش عليه .. وقالي انه حب صراحتي دي
ودخلت لمياء……
اول مره اشوفها……