طليق اختي

طليق اختي

أنتم اكيد بتهزروا عايزين تجوزونى

لا وكمان مين طليق اختى انا يستحيل اوافق على الجوازه دى…..

باباها: من امتى وانتى بتعصيلى امر يا عشــ,,ـق

عشــ,,ـق بدموع: ابدا والله يا بابا بس انت عارف انى عمرى ما هوافق يبقى ليه بتجبرنى وانت عمرك ما اجبرتنى على حاجه اعملها غصب عنى

باباها: انتى عارفه ان احنا بنعمل كل ده عشان مصلحه ملاك يا عشــ,,ـق

مامتها: ايوه ما انتى عارفه اختك مكنش هممها حاجه غير انها تطلق وبس وبعد ما اطلقت وعملت الى هى عايزاه سافرت ودلوقتى ملاك بقت يا حبيبتى يتيمه الام فكنا لازم نجبلها ام تانيه واحنا مينفعش نجبلها واحده تيجى تربيها بعيد عننا لا انا ولا ابوكى نوافق على كده ابدا وبعدين انتى عارفه قد ايه ملاك متعلقه بيكى وبتقولك يا ماما لأنك فعلا إلى ربتيها

باباها: وكمان متنسيش ان مازن راجل يعنى اكيد مش هيفضل يجيلنا البيت كل يوم ويجيب معاه ملاك عشان ناخد بالنا منها فى غيابه وبعد كده بيجى بعد ما بيخلص شغل ياخدها دى مش عيشه يا بنتى

اكيد عايز ست تشوف طلباته وتخلى بالها منهم

عشــ,,ـق بعصبيه: وانا فين من ده كله ليه مفكرتوش فيا انا ايه ذنبى اتحمل فشل اختى فى جوازتها ليييييه حد يرد عليا

مامتها: يابنتى احنا عايزين مصلحتك ومصالحه حفيدتنا كمان احنا لو كنا شايفين ان مازن وحش مكناش ابدا قررنا انكم تتجوزا بس انتى عارفه مازن كويس وكمان مش عايزين ملاك تتربى مع واحده غريبه

عشــ,,ـق بدموع: أنتم عارفين ان انا روحى فى ملاك ده انا إلى سميتها وكنت طول الوقت بهتم بيها وواخده بالى منها

بس الموضوع صعب اوى يا بابا اتجوزه انا لحد قريب كنت بعتبره أخويا الكبير فجأه كده يبقى جوزى

باباها: عشان خاطرى يا بنتى كله عشان مصلحه ملاك ومصلحتك انتى كمان

عشــ,,ـق بعياط: انا مش قادره يا بابا مش قادره افكر مش عارفه حتى اتصرف ازاى

انا عايزه اقعد لوحدى لو سمحتم

خرجوا بره وسبوها لوحدها عشــ,,ـق قعدت تعيط بحــ,,ـرقه اووى لانها مش عارفه تفكر مش عارفه تعمل اى

حاسه انها فى دوامه ما بين عقلها وقلبها

Flashback

مازن بفرح: ازيك يا عشــ,,ـق عامله ايه

عشــ,,ـق: الحمد لله يا مازن انت إلى عامل ايه

بس مالك ايه الفرحه دى كلها

مازن: اصل انا خلاص قررت اتجوز البنت إلى بحبها من زمان من واحنا لسه عيال صغيرين